دوستوں کے دیے ہوئے طعنے ​ بُھول جانا تو اپنی عادت ہے​ ​ احمد راہی ​​

تِری نِگاہ کے صدقے یہ حال کیا ہے مِرا کمالِ ہوش کہوں یا کمالِ بے خبری کہیں ہے عشق، کہیں ہے کشِش، کہیں حرکت بھرا ہے خامۂ فِطرت میں رنگِ فتنہ گری اصغر گونڈوی​

وہ مستِ شاہدِ رعنا ، نِگاہِ سحِر طراز وہ جامِ نِیم شَبی نرگسِ خُمار آلوُد کچھ اِس ادا سے مِرا اُس نے مُدّعا پُوچھا ڈھلک پڑا مِری آنکھوں سے گوہرِ مقصُود اصغر گونڈوی​

مزاجِ عشق بہت معتدل ہے اِن روزوں جگر میں آگ دہکتی ہے آنکھ میں ہے تری یہ ڈر ہے ہر بُنِ مُو، اب لہُو نہ دے نِکلے کچھ ایسے زور پہ ہے آج کاوشِ جگری اصغر گونڈوی​

ہجْر کی رات ہےاور اُن کے تصوّر کا چراغ​ بزْم کی بزْم ہے، تنہائی کی تنہائی ہے​ ​ کون سے نام سے تعبیر کرُوں اِس رُت کو​ پُھول مُرجھائے ہیں، زخموں پہ بہار آئی ہے​ ​ اقبال اشعر​​

خُدا کے واسطے آ، درگرز گُنہ سے مِرے ! نہ ہوگا پھر کبُھو اے تُندخُو، ہُوا سو ہُوا مرزا محمد رفیع سودا​

مُبادا ہو کوئی ظالم تِرا گریباں گیر مِرے لہُو کو تو دامن سے دھو، ہُوا سو ہُوا مرزا محمد رفیع سودا​

توڑا ہے کس نے نوکِ سناں پر سکوتِ صبر لب بستگی کو تابِ سُخن کون دے گیا محسن وہ کائناتِ غزل ہے اُسے بھی دیکھ مجھ سے نہ پُوچھ ، مجھ کو یہ فن کون دے گیا محسن نقوی​

کہانیاں نہ سُنو آس پاس لوگوں کی کہ میرا شہرہے، بستی اُداس لوگوں کی نہ کوئی سمت نہ منزل، سو قافلہ کیسا رواں ہے بِھیڑ فقط بے قیاس لوگوں کی احمد فراز​

تھی وہ اِک شخص کے تصّور سے​ اب وہ رعنائیِ خیال کہاں​ ​ مرزا غالب ​​

میں چپ رہوں ، کبھی بے وجہ ہنس پڑوں محسن ​ اسے گنوا کے عجب حوصلے تلاش کروں ​ محسن نقوی 1​

کیا کہوں دل نے کہاں سینت کے رکھا ہے اُسے نہ کبھی بُھولنے پاؤں، نہ مجھے یاد آئے میں نے حافِظ کی طرح، طے یہ کِیا ہےعابد ! ٠بعد ازِیں مے نہ خورم بے کفِ بزم آرائے٠ سیّدعابدعلی عابد​

رونے لگے ابھی سے، کہ ہے اِبتدائے حال​ تم نے ابھی فسانۂ حسرت سُنا ہے کیا ​ حسرت موہانی​​

ہم کیا کریں، اگر نہ تِری آرزو کریں​ دُنیا میں اور کوئی بھی تیرے سِوا ہے کیا​ ​ حسرت موہانی​

اُجاڑ جنگل ، ڈری فضا، ہانْپتی ہوائیں یہیں کہِیں بستِیاں بساؤ، اُداس لوگو اُسی کی باتوں سے ہی طبیعت سنبھل سکے گی کہیں سے محسن کو ڈھونڈ لاؤ، اُداس لوگو مُحسن نقوی​

کیا بتاؤں تجھے اسباب جئے جانے کے !​ مجھ کو خود بھی نہیں معلوم، کہ کیوں زندہ ہُوں​ ​ اپنے ہونے کی خبر کس کو سُناؤں ساغر​ کوئی، زندہ ہو تو میں اُس سے کہوں زندہ ہوں​ ​ ساغر ​​

اگر غفلت سے باز آیا ، جفا کی​ تلافی کی بھی ظالم نے تو، کیا کی​ ​ کبھی انصاف ہی دیکھا، نہ دِیدار!​ قیامت اکثر اس کُو میں رہا کی​ ​ مومن خان مومن​​

ہر نفس دامِ گرفتاری ہے نَو گرفتارِ بَلا غور سے سُن دل تڑپتا ہے کیوں آخرِ شب دو گھڑی کان لگا، غور سے سُن اِسی منزل میں ہیں سب ہجرو وصال رہروِ آبلہ پا، غور سے سُن اِسی گوشے میں ہیں سب دیر و حرم دل صنم ہے کہ خُدا، غور سے سُن کعبہ سُنسان ہے کیوں اے واعظ! ہاتھ کانوں سے اُٹھا غور سے سُن موت اور...

ہم خستہ تنوں سے محتسبوں کیا مال منال کا پوچھتے ہو جو عمر سے ہم نے بھر پایا ، سب سامنے لائے دیتے ہیں دامن میں ہے مشتِ خاکِ جگر، ساغر میں خونِ حسرتِ مےَ لو ہم نے دامن جھاڑ دیا ، لو جام اُلٹائے دیتے ہیں فیض​

کِیا جب اِلتفات اُس نے ذرا سا ! پڑی ہم کو حصُولِ مُدّعا کی مجھے اے دل تِری جلدی نے مارا نہیں تقصِیر اُس دیر آشنا کی مومن خان مومن​