Poetry آج کے منتخب اشعار

[master007]

وہ جن کے ہوتے ہیں خورشید آستینوں میں
انُھیں، کہیں سے بُلاؤ بڑا اندھیرا ہے

فرازِعرش سے ٹُوٹا ہُوا کوئی تارہ
کہیں سے، ڈھونڈ کے لاؤ بڑا اندھیرا ہے

ساغر صدیقی​​

 

[Haris1234]

Wah wah boht behtareen shaheri phar kye Maza a gya

 

[master007]

جن مشغلوں سے کھیلتی رتی تھی کم سنی
اُن مشغلوں سے ہاتھ اُٹھائے ہوئے ہو تم

خود کو لیے دیئے ہو مگر کہہ رہے ہیں طَور
سِینے میں ایک حشر چھپائے ہوئے ہو تم

جوش ملیح آبادی​​

 

[master007]

مُعترِض ہو نہ مِری عُزلت و خاموشی پر
کیا کروں جبکہ کوئی محرمِ اسرار نہ ہو

قیمتِ دل تو گھٹانے کا نہیں میں اکبر !
بے بصیرت نہیں ہوتا، جوخریدار نہ ہو

اکبرالٰہ آبادی​​

 

[master007]

دُعا بلا تھی شبِ غم سُکونِ جاں کے لیے
سُخن بہانہ ہُوا مرگِ ناگہاں کے لیے

ہے اعتماد مِرے بخت خفتہ پر کیا کیا
وگرنہ خواب کہاں چشم پاسباں کے لیے

مومن خان مومن​​

 

[master007]

دُشنامِ یار طبعِ حزِیں پر گِراں نہیں​
اے ہم نفَس، نزاکتِ آواز دیکھنا​
​
دیکھ اپنا حال زار منجّم ہُوا رقیب​
تھا سازگار طالعِ ناساز دیکھنا​
​
مومن خان مومن​​​

 

[master007]

شرح و بیانِ غم ہے اِک مطلبِ مُقیّد
خاموش ہُوں کہ معنی صدہا ہیں خامشی کے

بارِ الم اُٹھایا، رنگِ نِشاط دیکھا
آئے نہیں ہیں یونہی انداز بے حسی کے

اصغر گونڈوی​​

 

[master007]

اُس نوبہار ناز کی صُورت کی ہُو بہ ہُو ​
تصویر ایک ہے تہِ دامانِ آرزُ​


اصغر گونڈوی​​​

 

[master007]

عُہدے سے مدِح‌ ناز کے باہر نہ آ سکا
گرایک ادا ہو، تو اُسے اپنی قضا کہوں

میں، اور صد ہزار نوائے جگر خراش
تُو، اور ایک وہ نہ شنیدن کہ کیا کہوں

مرزا غالب​​

 

[master007]

سخت تنہا تھے اُس کی بزْم میں ہم
رنگِ محفل کو دیکھ کر نہ کھُلے

احمد فراز​​