امجد اسلام امجد

[alone_leo82]

جب بھی آنکھوں میں ترے وصل کا لمحہ چمکا​

امجد اسلام امجد​

​

جب بھی آنکھوں میں ترے وصل کا لمحہ چمکا ​

​

چشم بے آب کی دہلیز پہ دریا چمکا ​

​

فصل گل آئی کھلے باغ میں خوشبو کے علم ​

​

دل کے ساحل پہ ترے نام کا تارا چمکا ​

​

عکس بے نقش ہوئے آئنے دھندلانے لگے ​

​

درد کا چاند سر بام تمنا چمکا ​

​

رنگ آزاد ہوئے گل کی گرہ کھلتے ہی ​

​

ایک لمحے میں عجب باغ کا چہرا چمکا ​

​

پیرہن میں بھی ترا حسن نہ تھا حشر سے کم ​

​

جب کھلے بند قبا اور ہی نقشہ چمکا ​

​

دل کی دیوار پہ اڑتے رہے ملبوس کے رنگ ​

​

دیر تک ان میں تری یاد کا سایا چمکا ​

​

روح کی آنکھ چکا چوند ہوئی جاتی ہے ​

​

کس کی آہٹ کا مرے کان میں نغمہ چمکا ​

​

لہریں اٹھ اٹھ کے مگر اس کا بدن چومتی تھیں ​

​

وہ جو پانی میں گیا خوب ہی دریا چمکا ​

​

ہجر پنپا نہ ترا وصل ہمیں راس آیا ​

​

کسی میدان میں تارا نہ ہمارا چمکا ​

​

جیسے بارش سے دھلے صحن گلستاں امجدؔ ​

​

آنکھ جب خشک ہوئی اور وہ چہرا چمکا​

 

[Sexy_dick_lhr]

Buht kamal ki update hai
umdha intikhab ha

 

[alone_leo82]

پردے میں لاکھ پھر بھی نمودار کون ہے​

امجد اسلام امجد​

​

پردے میں لاکھ پھر بھی نمودار کون ہے ​

​

ہے جس کے دم سے گرمئ بازار کون ہے ​

​

وہ سامنے ہے پھر بھی دکھائی نہ دے سکے ​

​

میرے اور اس کے بیچ یہ دیوار کون ہے ​

​

باغ وفا میں ہو نہیں سکتا یہ فیصلہ ​

​

صیاد یاں پہ کون گرفتار کون ہے ​

​

مانا نظر کے سامنے ہے بے شمار دھند ​

​

ہے دیکھنا کہ دھند کے اس پار کون ہے ​

​

کچھ بھی نہیں ہے پاس پہ رہتا ہے پھر بھی خوش ​

​

سب کچھ ہے جس کے پاس وہ بیزار کون ہے ​

​

یوں تو دکھائی دیتے ہیں اسرار ہر طرف ​

​

کھلتا نہیں کہ صاحب اسرار کون ہے ​

​

امجدؔ الگ سی آپ نے کھولی ہے جو دکاں ​

​

جنس ہنر کا یاں یہ خریدار کون ہے​

 

[alone_leo82]

تشہیر اپنے درد کی ہر سو کرائیے​

امجد اسلام امجد​

​

تشہیر اپنے درد کی ہر سو کرائیے ​

​

جی چاہتا ہے منت طفلاں اٹھائیے ​

​

خوشبو کا ہاتھ تھام کے کیجے تلاش رنگ ​

​

پاؤں کے نقش دیکھ کے رستہ بنائیے ​

​

پھر آج پتھروں سے ملاقات کیجیے ​

​

پھر آج سطح آب پہ چہرے بنائیے ​

​

ہر انکشاف درد کے پردے میں آئے گا ​

​

گر ہو سکے تو خود سے بھی خود کو چھپائے ​

​

پھولوں کا راستہ نہیں یارو مرا سفر ​

​

پاؤں عزیز ہیں تو ابھی لوٹ جائیے ​

​

کب تک حنا کے نام پہ دیتے رہیں لہو ​

​

کب تک نگار درد کو دلہن بنائیے ​

​

امجدؔ متاع عمر ذرا دیکھ بھال کے ​

​

ایسا نہ ہو کہ بعد میں آنسو بہائیے​

 

[alone_leo82]

کبھی رقص شام بہار میں اسے دیکھتے​

امجد اسلام امجد​

​

کبھی رقص شام بہار میں اسے دیکھتے ​

​

کبھی خواہشوں کے غبار میں اسے دیکھتے ​

​

مگر ایک نجم سحر نما کہیں جاگتا ​

​

ترے ہجر کی شب تار میں اسے دیکھتے ​

​

وہ تھا ایک عکس گریز پا سو نہیں رکا ​

​

کٹی عمر دشت و دیار میں اسے دیکھتے ​

​

وہ جو بزم میں رہا بے خبر کوئی اور تھا ​

​

شب وصل میرے کنار میں اسے دیکھتے ​

​

جو ازل کی لوح پہ نقش تھا وہی عکس تھا ​

​

کبھی آپ قریۂ دار میں اسے دیکھتے ​

​

وہ جو کائنات کا نور تھا نہیں دور تھا ​

​

مگر اپنے قرب و جوار میں اسے دیکھتے ​

​

یہی اب جو ہے یہاں نغمہ خواں یہی خوش بیاں ​

​

کسی شام کوئے نگار میں اسے دیکھتے​

 

[alone_leo82]

ہوائیں لاکھ چلیں لو سنبھلتی رہتی ہے​

امجد اسلام امجد​

​

ہوائیں لاکھ چلیں لو سنبھلتی رہتی ہے ​

​

دیے کی روح میں کیا چیز جلتی رہتی ہے ​

​

کسے خبر کہ یہ اک دن کدھر کو لے جائے ​

​

لہو کی موج جو سر میں اچھلتی رہتی ہے ​

​

اگر کہوں تو تمہیں بھی نہ اعتبار آئے ​

​

جو آرزو مرے دل میں مچلتی رہتی ہے ​

​

مدار سے نہیں ہٹتا کوئی ستارا کیوں ​

​

یہ کس حصار میں ہر چیز چلتی رہتی ہے ​

​

وہ آدمی ہوں ستارے ہوں یا تمنائیں ​

​

سمے کی راہ میں ہر شے بدلتی رہتی ہے ​

​

یوںہی ازل سے ہے امجدؔ زمین گردش میں ​

​

کبھی سحر تو کبھی رات ڈھلتی رہتی ہے​

 

[alone_leo82]

پسپا ہوئی سپاہ تو پرچم بھی ہم ہی تھے​

امجد اسلام امجد​

​

پسپا ہوئی سپاہ تو پرچم بھی ہم ہی تھے ​

​

حیرت کی بات یہ ہے کہ برہم بھی ہم ہی تھے ​

​

گرنے لگے جو سوکھ کے پتے تو یہ کھلا ​

​

گلشن تھے ہم جو آپ تو موسم بھی ہم ہی تھے ​

​

ہم ہی تھے تیرے وصل سے محروم عمر بھر ​

​

لیکن تیرے جمال کے محرم بھی ہم ہی تھے ​

​

منزل کی بے رخی کے گلہ مند تھے ہمیں ​

​

ہر راستے میں سنگ مجسم بھی ہم ہی تھے ​

​

اپنی ہی آستیں میں تھا خنجر چھپا ہوا ​

​

امجدؔ ہر ایک زخم کا مرہم بھی ہم ہی تھے​

 

[alone_leo82]

کتنی سرکش بھی ہو سرپھری یہ ہوا رکھنا روشن دیا​

امجد اسلام امجد​

​

کتنی سرکش بھی ہو سرپھری یہ ہوا رکھنا روشن دیا ​

​

رات جب تک رہے اے مرے ہم نوا رکھنا روشن دیا ​

​

روشنی کا وظیفہ نہیں وہ چلے راستہ دیکھ کر ​

​

وہ تو آزاد ہے مثل موج صبا رکھنا روشن دیا ​

​

رات کیسی بھی ہو خوف کے چور کی گھات کیسی بھی ہو ​

​

اپنی امید کا اپنے وشواس کا رکھنا روشن دیا ​

​

شب کی بے انت ظلمت سے لڑ سکتی ہے ایک ننھی سی لو ​

​

راہ بھولے ہوؤں کو ہے بانگ درا رکھنا روشن دیا ​

​

آشنا کی صدا گھپ اندھیرے میں بن جاتی ہے روشنی ​

​

اس شب تار میں اپنی آواز کا رکھنا روشن دیا ​

​

روشنی کی شریعت میں روز ازل سے یہی درج ہے ​

​

جوت سے جوت جلتی رہے گی سدا رکھنا روشن دیا ​

​

مجھ سے امجدؔ کہا جھلملاتے ہوئے اختر شام نے ​

​

اس کو آنا ہی ہے وہ ضرور آئے گا رکھنا روشن دیا​

 

[alone_leo82]

کھیل اس نے دکھا کے جادو کے​

امجد اسلام امجد​

​

کھیل اس نے دکھا کے جادو کے ​

​

میری سوچوں کے قافلے لوٹے ​

​

یا تو دھڑکن ہی بند ہو جائے ​

​

یا یہ خاموشیٔ فضا ٹوٹے ​

​

تم جہاں بھی ہو میرے دل میں ہو ​

​

تم مرے پاس تھے تو ہر سو تھے ​

​

نغمۂ گل کی باس آتی ہے ​

​

تار کس نے ہلائے خوشبو کے ​

​

اس کو لائیں تو ایک بات بھی ہے ​

​

ورنہ سب دوست آشنا جھوٹے ​

​

نخل امید سبز ہے امجدؔ ​

​

لاکھ جھکڑ چلا کئے لو کے​

 

[Sun flower]

بہترین شاعری
لا جواب الفاظ
اس فورم میں شامل کرنے کے لیے شکریہ