Poetry مرزا غالب

[Haris1234]

Boht kamal mirza galib ki shaheri ki to kya bat ha behtareen

 

[tomy]

آ ج بابا جی کی برسی بھی ہے اور ان کا کھاتا بھی کھل گیا بہت خوب انتخاب لاجواب

 

[tomy]

یہ نہ تھی ہماری قسمت کے وصال یار ہوتا
اگر اور جیتے رہتے یہی انتظار ہوتا
تمہیں کیا کہیں کہ کیا ہے شب غم بری بلا ہے
ہمیں کیا برا تھا مرنا اگر ایک بار ہوتا

 

[tomy]

تیری نازکی سے جاناں جو بندھا تھا عہد بودو
اسے تو نہ توڑ سکتا اگر استوار ہوتا

 

[Haris1234]

یہ نہ تھی ہماری قسمت کے وصال یار ہوتا
اگر اور جیتے رہتے یہی انتظار ہوتا
تمہیں کیا کہیں کہ کیا ہے شب غم بری بلا ہے
ہمیں کیا برا تھا مرنا اگر ایک بار ہوتا

wah boht khoobsurat shaheri

 

[Sexy_dick_lhr]

افسوس کہ دنداں کا کیا رزق فلک نے​

جن لوگوں کی تھی در خور عقد گہر انگشت​

​

کافی ہے نشانی ترا چھلے کا نہ دینا​

خالی مجھے دکھلا کے بہ وقت سفر انگشت​

​

لکھتا ہوں اسدؔ سوزش دل سے سخن گرم​

تا رکھ نہ سکے کوئی مرے حرف پر انگشت​

 

[Sexy_dick_lhr]

کوئی دن گر زندگانی اور ہے​

اپنے جی میں ہم نے ٹھانی اور ہے​

​

آتش دوزخ میں یہ گرمی کہاں​

سوز غم ہائے نہانی اور ہے​

​

بارہا دیکھی ہیں ان کی رنجشیں​

پر کچھ اب کے سرگرانی اور ہے​

​

دے کے خط منہ دیکھتا ہے نامہ بر​

کچھ تو پیغام زبانی اور ہے​

​

قاطع اعمار ہے اکثر نجوم​

وہ بلائے آسمانی اور ہے​

​

ہو چکیں غالبؔ بلائیں سب تمام​

ایک مرگ ناگہانی اور ہے​

 

[Sexy_dick_lhr]

پھر مجھے دیدۂ تر یاد آیا​

دل جگر تشنۂ فریاد آیا​

​

دم لیا تھا نہ قیامت نے ہنوز​

پھر ترا وقت سفر یاد آیا​

​

سادگی ہائے تمنا یعنی​

پھر وہ نیرنگ نظر یاد آیا​

​

عذر واماندگی اے حسرت دل​

نالہ کرتا تھا جگر یاد آیا​

​

زندگی یوں بھی گزر ہی جاتی​

کیوں ترا راہ گزر یاد آیا​

​

کیا ہی رضواں سے لڑائی ہوگی​

گھر ترا خلد میں گر یاد آیا​

​

آہ وہ جرأت فریاد کہاں​

دل سے تنگ آ کے جگر یاد آیا​

​

پھر ترے کوچہ کو جاتا ہے خیال​

دل گم گشتہ مگر یاد آیا​

​

کوئی ویرانی سی ویرانی ہے​

دشت کو دیکھ کے گھر یاد آیا​

​

میں نے مجنوں پہ لڑکپن میں اسدؔ​

سنگ اٹھایا تھا کہ سر یاد آیا​

​

وصل میں ہجر کا ڈر یاد آیا​

عین جنت میں سقر یاد آیا​

 

[Sexy_dick_lhr]

آ کہ مری جان کو قرار نہیں ہے​

طاقت بیداد انتظار نہیں ہے​

​

دیتے ہیں جنت حیات دہر کے بدلے​

نشہ بہ اندازۂ خمار نہیں ہے​

​

گریہ نکالے ہے تیری بزم سے مجھ کو​

ہائے کہ رونے پہ اختیار نہیں ہے​

​

ہم سے عبث ہے گمان رنجش خاطر​

خاک میں عشاق کی غبار نہیں ہے​

​

دل سے اٹھا لطف جلوہ ہائے معانی​

غیر گل آئینۂ بہار نہیں ہے​

​

قتل کا میرے کیا ہے عہد تو بارے​

وائے اگر عہد استوار نہیں ہے​

​

تو نے قسم مے کشی کی کھائی ہے غالبؔ​

تیری قسم کا کچھ اعتبار نہیں ہے​

 

[Sexy_dick_lhr]

بازیچۂ اطفال ہے دنیا مرے آگے​

ہوتا ہے شب و روز تماشا مرے آگے​

​

اک کھیل ہے اورنگ سلیماں مرے نزدیک​

اک بات ہے اعجاز مسیحا مرے آگے​

​

جز نام نہیں صورت عالم مجھے منظور​

جز وہم نہیں ہستیٔ اشیا مرے آگے​

​

ہوتا ہے نہاں گرد میں صحرا مرے ہوتے​

گھستا ہے جبیں خاک پہ دریا مرے آگے​

​

مت پوچھ کہ کیا حال ہے میرا ترے پیچھے​

تو دیکھ کہ کیا رنگ ہے تیرا مرے آگے​

​

سچ کہتے ہو خودبین و خود آرا ہوں نہ کیوں ہوں​

بیٹھا ہے بت آئنہ سیما مرے آگے​

​

پھر دیکھیے انداز گل افشانیٔ گفتار​

رکھ دے کوئی پیمانۂ صہبا مرے آگے​

​

نفرت کا گماں گزرے ہے میں رشک سے گزرا​

کیوں کر کہوں لو نام نہ ان کا مرے آگے​

​

ایماں مجھے روکے ہے جو کھینچے ہے مجھے کفر​

کعبہ مرے پیچھے ہے کلیسا مرے آگے​

​

عاشق ہوں پہ معشوق فریبی ہے مرا کام​

مجنوں کو برا کہتی ہے لیلیٰ مرے آگے​

​

خوش ہوتے ہیں پر وصل میں یوں مر نہیں جاتے​

آئی شب ہجراں کی تمنا مرے آگے​

​

ہے موجزن اک قلزم خوں کاش یہی ہو​

آتا ہے ابھی دیکھیے کیا کیا مرے آگے​

​

گو ہاتھ کو جنبش نہیں آنکھوں میں تو دم ہے​

رہنے دو ابھی ساغر و مینا مرے آگے​

​

ہم پیشہ و ہم مشرب و ہم راز ہے میرا​

غالبؔ کو برا کیوں کہو اچھا مرے آگے​