Poetry مرزا غالب

[Sun flower]

غالب صاحب کمال کے شاعر تھے
بہت اعلئ
اور جناب أپ کی ہمت ہے جو ان کی شاعری ڈھونڈ کے اس فورم میں لکھ رہے ہو
بہت خوپ

 

[Haris1234]

پھر مجھے دیدۂ تر یاد آیا​

دل جگر تشنۂ فریاد آیا​

​

دم لیا تھا نہ قیامت نے ہنوز​

پھر ترا وقت سفر یاد آیا​

​

سادگی ہائے تمنا یعنی​

پھر وہ نیرنگ نظر یاد آیا​

​

عذر واماندگی اے حسرت دل​

نالہ کرتا تھا جگر یاد آیا​

​

زندگی یوں بھی گزر ہی جاتی​

کیوں ترا راہ گزر یاد آیا​

​

کیا ہی رضواں سے لڑائی ہوگی​

گھر ترا خلد میں گر یاد آیا​

​

آہ وہ جرأت فریاد کہاں​

دل سے تنگ آ کے جگر یاد آیا​

​

پھر ترے کوچہ کو جاتا ہے خیال​

[Cwah OLOR=#c0392b]دل گم گشتہ مگر یاد آیا[/COLOR]​

​

کوئی ویرانی سی ویرانی ہے​

دشت کو دیکھ کے گھر یاد آیا​

​

میں نے مجنوں پہ لڑکپن میں اسدؔ​

سنگ اٹھایا تھا کہ سر یاد آیا​

​

وصل میں ہجر کا ڈر یاد آیا​

عین جنت میں سقر یاد آیا​

Wah boht khoob dil ko cho gye boht aala

 

[Sexy_dick_lhr]

غالب صاحب کمال کے شاعر تھے
بہت اعلئ
اور جناب أپ کی ہمت ہے جو ان کی شاعری ڈھونڈ کے اس فورم میں لکھ رہے ہو
بہت خوپ

Shukriya dost

 

[Sexy_dick_lhr]

دل ہی تو ہے نہ سنگ و خشت درد سے بھر نہ آئے کیوں​

​

روئیں گے ہم ہزار بار کوئی ہمیں ستائے کیوں​

​

دیر نہیں حرم نہیں در نہیں آستاں نہیں​

بیٹھے ہیں رہ گزر پہ ہم غیر ہمیں اٹھائے کیوں​

​

جب وہ جمال دلفروز صورت مہر نیمروز​

آپ ہی ہو نظارہ سوز پردے میں منہ چھپائے کیوں​

​

دشنۂ غمزہ جاں ستاں ناوک ناز بے پناہ​

تیرا ہی عکس رخ سہی سامنے تیرے آئے کیوں​

​

قید حیات و بند غم اصل میں دونوں ایک ہیں​

موت سے پہلے آدمی غم سے نجات پائے کیوں​

​

حسن اور اس پہ حسن ظن رہ گئی بوالہوس کی شرم​

اپنے پہ اعتماد ہے غیر کو آزمائے کیوں​

​

واں وہ غرور عز و ناز یاں یہ حجاب پاس وضع​

راہ میں ہم ملیں کہاں بزم میں وہ بلائے کیوں​

​

ہاں وہ نہیں خدا پرست جاؤ وہ بے وفا سہی​

جس کو ہو دین و دل عزیز اس کی گلی میں جائے کیوں​

​

غالبؔ خستہ کے بغیر کون سے کام بند ہیں​

روئیے زار زار کیا کیجیے ہائے ہائے کیوں​

 

[Sexy_dick_lhr]

ہر ایک بات پہ کہتے ہو تم کہ تو کیا ہے​

تمہیں کہو کہ یہ انداز گفتگو کیا ہے​

​

نہ شعلہ میں یہ کرشمہ نہ برق میں یہ ادا​

کوئی بتاؤ کہ وہ شوخ تند خو کیا ہے​

​

یہ رشک ہے کہ وہ ہوتا ہے ہم سخن تم سے​

وگرنہ خوف بد آموزی عدو کیا ہے​

​

چپک رہا ہے بدن پر لہو سے پیراہن​

ہمارے جیب کو اب حاجت رفو کیا ہے​

​

جلا ہے جسم جہاں دل بھی جل گیا ہوگا​

کریدتے ہو جو اب راکھ جستجو کیا ہے​

​

رگوں میں دوڑتے پھرنے کے ہم نہیں قائل​

جب آنکھ ہی سے نہ ٹپکا تو پھر لہو کیا ہے​

​

وہ چیز جس کے لیے ہم کو ہو بہشت عزیز​

سوائے بادۂ گلفام مشک بو کیا ہے​

​

پیوں شراب اگر خم بھی دیکھ لوں دو چار​

یہ شیشہ و قدح و کوزہ و سبو کیا ہے​

​

رہی نہ طاقت گفتار اور اگر ہو بھی​

تو کس امید پہ کہیے کہ آرزو کیا ہے​

​

ہوا ہے شہہ کا مصاحب پھرے ہے اتراتا​

وگرنہ شہر میں غالبؔ کی آبرو کیا ہے​

 

[Sexy_dick_lhr]

یہ نہ تھی ہماری قسمت کہ وصال یار ہوتا​

اگر اور جیتے رہتے یہی انتظار ہوتا​

​

ترے وعدے پر جیے ہم تو یہ جان جھوٹ جانا​

کہ خوشی سے مر نہ جاتے اگر اعتبار ہوتا​

​

تری نازکی سے جانا کہ بندھا تھا عہد بودا​

کبھی تو نہ توڑ سکتا اگر استوار ہوتا​

​

کوئی میرے دل سے پوچھے ترے تیر نیم کش کو​

یہ خلش کہاں سے ہوتی جو جگر کے پار ہوتا​

​

یہ کہاں کی دوستی ہے کہ بنے ہیں دوست ناصح​

کوئی چارہ ساز ہوتا کوئی غم گسار ہوتا​

​

رگ سنگ سے ٹپکتا وہ لہو کہ پھر نہ تھمتا​

جسے غم سمجھ رہے ہو یہ اگر شرار ہوتا​

​

غم اگرچہ جاں گسل ہے پہ کہاں بچیں کہ دل ہے​

غم عشق گر نہ ہوتا غم روزگار ہوتا​

​

کہوں کس سے میں کہ کیا ہے شب غم بری بلا ہے​

مجھے کیا برا تھا مرنا اگر ایک بار ہوتا​

​

ہوئے مر کے ہم جو رسوا ہوئے کیوں نہ غرق دریا​

نہ کبھی جنازہ اٹھتا نہ کہیں مزار ہوتا​

​

اسے کون دیکھ سکتا کہ یگانہ ہے وہ یکتا​

جو دوئی کی بو بھی ہوتی تو کہیں دو چار ہوتا​

​

یہ مسائل تصوف یہ ترا بیان غالبؔ​

تجھے ہم ولی سمجھتے جو نہ بادہ خوار ہوتا​

 

[Sexy_dick_lhr]

میری سب سے پسندیدہ غزل
کوئی امید بر نہیں آتی​

کوئی صورت نظر نہیں آتی​

​

موت کا ایک دن معین ہے​

نیند کیوں رات بھر نہیں آتی​

​

آگے آتی تھی حال دل پہ ہنسی​

اب کسی بات پر نہیں آتی​

​

جانتا ہوں ثواب طاعت و زہد​

پر طبیعت ادھر نہیں آتی​

​

ہے کچھ ایسی ہی بات جو چپ ہوں​

ورنہ کیا بات کر نہیں آتی​

​

کیوں نہ چیخوں کہ یاد کرتے ہیں​

میری آواز گر نہیں آتی​

​

داغ دل گر نظر نہیں آتا​

بو بھی اے چارہ گر نہیں آتی​

​

ہم وہاں ہیں جہاں سے ہم کو بھی​

کچھ ہماری خبر نہیں آتی​

​

مرتے ہیں آرزو میں مرنے کی​

موت آتی ہے پر نہیں آتی​

​

کعبہ کس منہ سے جاوگے غالبؔ​

شرم تم کو مگر نہیں آتی​

 

[Sexy_dick_lhr]

ہزاروں خواہشیں ایسی کہ ہر خواہش پہ دم نکلے​

بہت نکلے مرے ارمان لیکن پھر بھی کم نکلے​

​

ڈرے کیوں میرا قاتل کیا رہے گا اس کی گردن پر​

وہ خوں جو چشم تر سے عمر بھر یوں دم بدم نکلے​

​

نکلنا خلد سے آدم کا سنتے آئے ہیں لیکن​

بہت بے آبرو ہو کر ترے کوچے سے ہم نکلے​

​

بھرم کھل جائے ظالم تیرے قامت کی درازی کا​

اگر اس طرۂ پر پیچ و خم کا پیچ و خم نکلے​

​

مگر لکھوائے کوئی اس کو خط تو ہم سے لکھوائے​

ہوئی صبح اور گھر سے کان پر رکھ کر قلم نکلے​

​

ہوئی اس دور میں منسوب مجھ سے بادہ آشامی​

پھر آیا وہ زمانہ جو جہاں میں جام جم نکلے​

​

ہوئی جن سے توقع خستگی کی داد پانے کی​

وہ ہم سے بھی زیادہ خستۂ تیغ ستم نکلے​

​

محبت میں نہیں ہے فرق جینے اور مرنے کا​

اسی کو دیکھ کر جیتے ہیں جس کافر پہ دم نکلے​

​

کہاں مے خانہ کا دروازہ غالبؔ اور کہاں واعظ​

پر اتنا جانتے ہیں کل وہ جاتا تھا کہ ہم نکلے​

 

[Sexy_dick_lhr]

دل ناداں تجھے ہوا کیا ہے​

آخر اس درد کی دوا کیا ہے​

​

ہم ہیں مشتاق اور وہ بیزار​

یا الٰہی یہ ماجرا کیا ہے​

​

میں بھی منہ میں زبان رکھتا ہوں​

کاش پوچھو کہ مدعا کیا ہے​

​

جب کہ تجھ بن نہیں کوئی موجود​

پھر یہ ہنگامہ اے خدا کیا ہے​

​

یہ پری چہرہ لوگ کیسے ہیں​

غمزہ و عشوہ و ادا کیا ہے​

​

شکن زلف عنبریں کیوں ہے​

نگہ چشم سرمہ سا کیا ہے​

​

سبزہ و گل کہاں سے آئے ہیں​

ابر کیا چیز ہے ہوا کیا ہے​

​

ہم کو ان سے وفا کی ہے امید​

جو نہیں جانتے وفا کیا ہے​

​

ہاں بھلا کر ترا بھلا ہوگا​

اور درویش کی صدا کیا ہے​

​

جان تم پر نثار کرتا ہوں​

میں نہیں جانتا دعا کیا ہے​

​

میں نے مانا کہ کچھ نہیں غالبؔ​

مفت ہاتھ آئے تو برا کیا ہے​

 

[Sexy_dick_lhr]

آہ کو چاہیے اک عمر اثر ہوتے تک​

کون جیتا ہے تری زلف کے سر ہوتے تک​

​

دام ہر موج میں ہے حلقۂ صد کام نہنگ​

دیکھیں کیا گزرے ہے قطرے پہ گہر ہوتے تک​

​

عاشقی صبر طلب اور تمنا بیتاب​

دل کا کیا رنگ کروں خون جگر ہوتے تک​

​

تا قیامت شب فرقت میں گزر جائے گی عمر​

سات دن ہم پہ بھی بھاری ہیں سحر ہوتے تک​

​

ہم نے مانا کہ تغافل نہ کرو گے لیکن​

خاک ہو جائیں گے ہم تم کو خبر ہوتے تک​

​

پرتو خور سے ہے شبنم کو فنا کی تعلیم​

میں بھی ہوں ایک عنایت کی نظر ہوتے تک​

​

یک نظر بیش نہیں فرصت ہستی غافل​

گرمیٔ بزم ہے اک رقص شرر ہوتے تک​

​

غم ہستی کا اسدؔ کس سے ہو جز مرگ علاج​

شمع ہر رنگ میں جلتی ہے سحر ہوتے تک​