Poetry آج کے منتخب اشعار

[master007]

اے فلک بھیج کوئی برقِ خیال ​
کچھ تو، شامِ شبِ ہِجراں چمکے​
​
پھر کوئی دل کو دُکھائے ​ناصر
کاش یہ گھر کسی عنواں چمکے

ناصرکاظمی ​​​

​

 

[master007]

شوق یہ تھا کہ محبّت میں جلیں گے چُپ چاپ
رنج یہ ہے کہ، تماشہ نہ دِکھایا کوئی

شہْر میں ہمدمِ دیرِینہ بُہت تھے ناصر
وقت پڑنے پہ مِرے کام نہ آیا کوئی

ناصرکاظمی​​

 

[master007]

ہم پر جفا سے ترکِ وفا کا گُماں نہیں
اِک چھیڑ ہے وگرنہ مُراد اِمتحاں نہیں

کس منہ سے شُکر کیجئے اِس لُطفِ خاص کا
پُرسِش ہے اور پائے سُخن درمیاں نہیں

اسداللہ خاں غالب​​

 

[master007]

عَقُوبت ہائے فردا سے ڈراتا کیا ہے، اے واعظ​
یہی دُنیا! رفتہ رفتہ خود جہنّم ہوتی جاتی ہے​
​
اقبال سہیل​​​

 

[master007]

ہم کیوں یہ مُبتلائے بے تابیِ نظر ہیں​
تسکینِ دل کی یا رب، وہ صُورتیں کدھر ہیں​
غم خانۂ جہاں میں وُقعت ہی کیا ہماری​
اِک نا شُنِیدہ اُف ہیں، اِک آہِ بے اثر ہیں​
​
اکبرالٰہ آبادی​​​

 

[master007]

اُڑتے ہی رنگِ رُخ مِرا، نظروں سے تھا نہاں​
اُس مُرغِ پَرشِکسْتہ کی پرواز دیکھنا ​
ترکِ صنم بھی کم نہیں سَوزِ جَحِیم سے
مومن غمِ مآل کا آغاز دیکھنا
​
مومن خاں مومن​​​

 

[master007]

اُدھر مشکوک ہے میری صداقت​
اِدھر بھی بدگمانی کم نہیں ہے​
​
مِری بربادیوں کا ہم نشینوں!​
تمہیں کیا خود مجھے بھی غم نہیں ہے​
​
اسرارالحق مجاز​​​

 

[master007]

خیالِ یار، کبھی ذکرِ یار کرتے رہے
اِسی متاع پہ ہم روزگار کرتے رہے

نہیں شکایتِ ہجراں، کہ اِس وسِیلے سے
ہم اُن سے رشتۂ دل استوار کرتے رہے

فیض احمد فیض​​

 

[master007]

اِس شہرِ بے چراغ میں جائے گی تو کہاں
آ، اے شبِ فراق! تجھے گھر ہی لے چلیں

ناصر کاظمی​​

 

[master007]

ضیائے بزْمِ جہاں بار بار مانْد ہوئی​
حدیثِ شعلہ رُخاں باربارکرتے رہے​
​
اِنھیں کے فیض سے بازارِعقل روشن ہے​
جو گاہ گاہ جنُوں اِختیار کرتے رہے​
​
فیض احمد فیض ​​​