Poetry آج کے منتخب اشعار

[master007]

دانشورانِ حال کا تاباں ہے مشورہ
ہر منظرِ جہاں کو فریبِ نظر کہو!!!

غلام ربانی تاباں​​

 

[master007]

زندگی ذوقِ نمو، ذوقِ طلب، ذوقِ نظر
انجمن ساز بھی ہے، گرمِ تگ و تاز بھی ہے
میرے افکار و خیالات میں جاری تاباں
حُسن دلی بھی ہے، رعنائیء شیراز بھی ہے

غلام ربانی تاباں​​

 

[master007]

یہ وہ منزل ہے کہ الیاس بھی گم، خضر بھی گم
ہائے آوارگیِ شوق ۔۔۔۔۔۔ کِدھر سے گزرے

غلام ربانی تاباں​​

 

[master007]

خرد رقیبِ تماشا ہے، دل رہینِ جمال
وہ کش مکش ہے سکوں عمر بھی ملے نہ ملے

غلام ربانی تاباں​​

 

[master007]

عشق نے حسن سے بازی جیتی
شرط ۔۔ ایثار کی ٹھہری ہو گی

غیاث صدیقی​​

 

[master007]

اے نکیرین قیامت ہی پہ رکھو پرسش
میں ذرا عمر گذشتہ کی۔۔۔ تلافی کر لوں

شبلی نعمانی​​

 

[master007]

نقش جہان کی ہست و بود نقش بر آب کیوں نہ ہو
اپنی خوشی بنا دیا ۔۔۔۔۔۔۔۔۔ ۔اپنی خوشی مٹا دیا

محشر لکھنوی​​

 

[master007]

میخانے کا نظام ہے محشر عجب نظام
کھلتا ہے شیشہ جوشِ قدح خوار دیکھ کر

محشر لکھنوی​​

 

[master007]

پوچھیے فلسفہء موت کا حاصل اُن سے
اپنی ہستی کو جو ہر سانس عدم دیکھتے ہیں

محشر لکھنوی​​

 

[master007]

حیرت غرورِ حُسن سے شوخی سے اضطراب
دل نے بھی تیرے سیکھ لیے ہیں چلن تمام
دیکھو تو چشمِ یار کی جادو نگاہیاں
بیہوش اک نظر میں ہوئی انجمن تمام
دل خون ہو چکا ہے، جگر ہو چکا ہے خاک
باقی ہوں میں مجھے بھی کر، اے تیغ زن تمام

حسرت موہانی​​