امجد اسلام امجد

[Haris1234]

غبار دشت طلب میں ہیں رفتگاں کیا کیا

امجد اسلام امجد

غبار دشت طلب میں ہیں رفتگاں کیا کیا

چمک رہے ہیں اندھیرے میں استخواں کیا کیا

دکھا کے ہم کو ہمارا ہی قاش قاش بدن

دلاسے دیتے ہیں دیکھو تو قاتلاں کیا کیا

گھٹی دلوں کی محبت تو شہر بڑھنے لگا

مٹے جو گھر تو ہویدا ہوئے مکاں کیا کیا

پلٹ کے دیکھا تو اپنے نشان پا بھی نہ تھے

ہمارے ساتھ سفر میں تھے ہمرہاں کیا کیا

ہلاک نالۂ شبنم ذرا نظر تو اٹھا

نمود کرتے ہیں عالم میں گل رخاں کیا کیا

کہیں ہے چاند سوالی کہیں گدا خورشید

تمہارے در پر کھڑے ہیں یہ سائلاں کیا کیا

بچھڑ کے تجھ سے نہ جی پائے مختصر یہ ہے

اس ایک بات سے نکلی ہے داستاں کیا کیا

ہے پر سکون سمندر مگر سنو تو سہی

لب خموش سے کہتے ہیں بادباں کیا کیا

کسی کا رخت مسافت تمام دھوپ ہی دھوپ

کسی کے سر پہ کشیدہ ہیں سائباں کیا کیا

نکل ہی جائے گی اک دن مدار سے یہ زمیں

اگرچہ پہرے پہ بیٹھے ہیں آسماں کیا کیا

فنا کی چال کے آگے کسی کی کچھ نہ چلی

بساط دہر سے اٹھے حساب داں کیا کیا

کسے خبر ہے کہ امجدؔ بہار آنے تک

خزاں نے چاٹ لیے ہوں گے گلستاں کیا کیا

Boht khubsoorat nazam Alfaz mian beyan nhi Kya ja sakta

[alone_leo82]

سمندر آسمان اور میں

امجد اسلام امجد

کھلیں جو آنکھیں تو سر پہ نیلا فلک تنا تھا

چہار جانب سیاہ پانی کی تند موجوں کا غلغلہ تھا

ہوائیں چیخوں کو اور کراہوں کو لے کے چلتی تھیں اور مٹی

کی زرد خوشبو میں موت موسم کا ذائقہ تھا

نظر مناظر میں ڈوب کر بھی مثال شیشہ تہی تھی یعنی

گل تماشا نہیں کھلا تھا

ہراس جذبوں کی رہ گزر میں دل تعجب زدہ اکیلا

خموش تنہا بھٹک رہا تھا

کہ ایک سائے کی نرم آہٹ نے راستوں کا نصیب بدلا

کوئی تعلق کے چاند لہجے میں اپنے پن کی ادا سے بولا

''مرے مسافر اداس مت ہو کہ عہد فرقت ہی زندگی ہے

یہ فاصلوں کی خلیج راہ وصال ہے اور طلب نگاہوں کی روشنی ہے

تمام چیزیں تمہارے میرے

بدن کے رشتوں کا سلسلہ ہیں

تمہیں خبر ہے کہ ہم سمندر

اور آسمانوں کی انتہا ہیں!''

[alone_leo82]

ہری بھری اک شاخ بدن پر

امجد اسلام امجد

ہری بھری اک شاخ بدن پر

میرے لبوں کے لمس سے پھوٹے

ایسے ایسے پھول

سادہ سے ملبوس میں بھی وہ ساتوں رنگ کھلاتی ہے

اپنے حسن کی تیز مہک سے

لوگوں کے انبوہ میں بیٹھی یوں گھبرا سی جاتی ہے

جیسے باتیں کرتے کوئی!

جاتا ہے کچھ بھول

میرے لبوں کے لمس سے پھوٹے

ہری بھری ایک شاخ بدن پر

کیسے کیسے پھول

[alone_leo82]

ایک اور مشورہ

امجد اسلام امجد

بستیاں ہوں کیسی بھی پستیاں ہوں جیسی بھی

ہر طرح کی ظلمت کو روشنی کہا جائے

خاک ڈالیں منزل پر بھول جائیں ساحل کو

رخ جدھر ہو پانی کا اس طرف بہا جائے

ملک بیچ ڈالیں یا آبرو رکھیں گروی

جیسا حکم حاکم ہو اس طرح کیا جائے

شور میں صداؤں کے اجنبی ہواؤں کے

کون سننے والا ہے؟ کس سے اب کہا جائے!

گفتگو پہ پہرے ہیں ہر طرف کٹہرے ہیں

راستے معین ہیں ہر قدم پہ لکھا ہے

کس جگہ پہ رکنا ہے! کس طرف چلا جائے

دل کی بات کہنے کا اک یہی طریقہ ہے

چھپ کے ساری دنیا سے اب گھروں کے کونوں میں

آپ ہی سنا جائے آپ ہی کہا جائے

[alone_leo82]

سورج کی پہلی کرن

امجد اسلام امجد

دلچسپ معلومات

(سیپ، کراچی شمارہ 26مئی جون 1973ء)

سن اے ہوائے بے دلی

ابھی تو چشم تر میں ان کی صورتیں

رواں دواں ہیں جن کے سانس کی مہک

میں جا چکی بہار کا نکھار ہے

کہ جن کے خواب کی چمک پلک پلک

بکھرتی آرزو میں پائیدار ہے

ابھی تو ان کی خاک کو زمین بھی نہیں ملی

سن اے ہوائے بے دلی

اگرچہ اس دیار میں ہر ایک سو

کئی رتوں کی گم شدہ بہار کا فشار ہے

غبار انتظار ہے

مگر یہ زرد گھاٹیاں یہ کاروان بے نشاں

سفر کی انتہا نہیں

دھواں دھواں ہیں جسم و جاں مگر زباں ہے گل فشاں

کہ دل ابھی مرا نہیں

نظر میں ہے وہ فصل گل جو اب تلک نہیں کھلی

سن اے ہوائے بے دلی

ہمیں اسی زمین سے رفاقت یقین ہے

ملے گی کشت آرزو

کہ روشنی کی جستجو میں روشنی کا راز ہے

ہمارے ارد گرد کی ہر ایک شے سوال ہے

ان انگلیوں کی پور پور صاحب کمال ہے

الوداع الوداع اے بے دلی

کہ یہ ہماری دوستی کا نقطۂ زوال ہے

[alone_leo82]

سرمایۂ جاں

امجد اسلام امجد

یہ سب نے دیکھا

کہ ساز گل سے نکل کے خوشبو کا ایک جھونکا

ہزار نغمے سنا گیا ہے

مگر کسی کو نظر نہ آیا کہ اس کے پردے میں گل نے اپنا

تمام جوہر لٹا دیا ہے

یہ میری سوچوں کی سبز خوشبو

یہ میری نظمیں یہ میرا جوہر

یہ میرے لفظوں کے شاہزادے

یہ میری آواز کے مسافر

نکل کے ہونٹوں کی وادیوں سے

خموشیوں کے مہیب جنگل میں آہٹوں کے فریب کھاتے

نشاط منزل کی جستجو میں

اداس رستوں پہ چل رہے ہیں

سفر کے دوزخ میں جل رہے ہیں

[Sexy_dick_lhr]

بہترین اپڈیٹ
عمدہ اِنتخاب

[master007]

بہت عمدہ شاعری امجد اسلام امجد کی۔

[Haris1234]

Boht undah shaheri Amjad Islam Amjad ki to Kya bat ha

[Sun flower]

جتنی تعریف کریں کم ہے
امجد اسلام امجد صاحب پاۓ کے شاعر ہیں