احمد فراز

[Sexy_dick_lhr]

واپسی​

احمد فراز​

اس نے کہا ​

​

سن ​

​

عہد نبھانے کی خاطر مت آنا ​

​

عہد نبھانے والے اکثر ​

​

مجبوری یا مہجوری کی تھکن سے لوٹا کرتے ہیں ​

​

تم جاؤ ​

​

اور دریا دریا پیاس بجھاؤ ​

​

جن آنکھوں میں ڈوبو ​

​

جس دل میں اترو ​

​

میری طلب آواز نہ دے گی ​

​

لیکن جب میری چاہت ​

​

اور مری خواہش کی لو ​

​

اتنی تیز اور اتنی ​

​

اونچی ہو جائے ​

​

جب دل رو دے ​

​

تب لوٹ آنا​

بہت عمدہ اور کمال
جدید دور کی وجہ سے اب لوگوں کو پرانے شاعروں سے لگاؤ نہیں رہا
ایڈمن صاحب اور انکی پوری ٹیم کو مُبارک باد انہوں نے یہ سلسلہ شروع کیا
بھائی جی بہت کمال شعر ہیں

 

[Qanon khan Qanon]

اب کے ہم بچھڑے تو شاید کبھی خوابوں میں ملیں​

جس طرح سوکھے ہوئے پھول کتابوں میں ملیں​

​

ڈھونڈ اجڑے ہوئے لوگوں میں وفا کے موتی​

یہ خزانے تجھے ممکن ہے خرابوں میں ملیں​

​

غم دنیا بھی غم یار میں شامل کر لو​

نشہ بڑھتا ہے شرابیں جو شرابوں میں ملیں​

​

تو خدا ہے نہ مرا عشق فرشتوں جیسا​

دونوں انساں ہیں تو کیوں اتنے حجابوں میں ملیں​

​

آج ہم دار پہ کھینچے گئے جن باتوں پر​

کیا عجب کل وہ زمانے کو نصابوں میں ملیں​

​

اب نہ وہ میں نہ وہ تو ہے نہ وہ ماضی ہے فرازؔ​

جیسے دو شخص تمنا کے سرابوں میں ملیں​

غزل کے پہلے مصرعے کو لازوال شہرت نصیب ہوئی تھی ۔ کچی عمر کی نوخیز کلیوں اور لونڈوں کا پسندیدہ شعر رہا تھا۔

 

[Miantiger]

Bohat allaaaa poetry hy

 

[yarker]

boht achaa Ahmad Faraz kii kamal shaihri

 

[Mounty]

Zabardast ahmad faraz mere pasandida shayar main sy 1 hy

 

[alone_leo82]

شعلہ تھا جل بجھا ہوں ہوائیں مجھے نہ دو​

احمد فراز​

​​​​​

شعلہ تھا جل بجھا ہوں ہوائیں مجھے نہ دو ​

​

میں کب کا جا چکا ہوں صدائیں مجھے نہ دو ​

​

جو زہر پی چکا ہوں تمہیں نے مجھے دیا ​

​

اب تم تو زندگی کی دعائیں مجھے نہ دو ​

​

یہ بھی بڑا کرم ہے سلامت ہے جسم ابھی ​

​

اے خسروان شہر قبائیں مجھے نہ دو ​

​

ایسا نہ ہو کبھی کہ پلٹ کر نہ آ سکوں ​

​

ہر بار دور جا کے صدائیں مجھے نہ دو ​

​

کب مجھ کو اعتراف محبت نہ تھا فرازؔ ​

​

کب میں نے یہ کہا ہے سزائیں مجھے نہ دو​

 

[alone_leo82]

جو دن تھا ایک مصیبت تو رات بھاری تھی​

امجد اسلام امجد​

​

جو دن تھا ایک مصیبت تو رات بھاری تھی ​

​

گزارنی تھی مگر زندگی، گزاری تھی ​

​

سواد شوق میں ایسے بھی کچھ مقام آئے ​

​

نہ مجھ کو اپنی خبر تھی نہ کچھ تمہاری تھی ​

​

لرزتے ہاتھوں سے دیوار لپٹی جاتی تھی ​

​

نہ پوچھ کس طرح تصویر وہ اتاری تھی ​

​

جو پیار ہم نے کیا تھا وہ کاروبار نہ تھا ​

​

نہ تم نے جیتی یہ بازی نہ میں نے ہاری تھی ​

​

طواف کرتے تھے اس کا بہار کے منظر ​

​

جو دل کی سیج پہ اتری عجب سواری تھی ​

​

تمہارا آنا بھی اچھا نہیں لگا مجھ کو ​

​

فسردگی سی عجب آج دل پہ طاری تھی ​

​

کسی بھی ظلم پہ کوئی بھی کچھ نہ کہتا تھا ​

​

نہ جانے کون سی جاں تھی جو اتنی پیاری تھی ​

​

ہجوم بڑھتا چلا جاتا تھا سر محفل ​

​

بڑے رسان سے قاتل کی مشق جاری تھی ​

​

تماشا دیکھنے والوں کو کون بتلاتا ​

​

کہ اس کے بعد انہی میں کسی کی باری تھی ​

​

وہ اس طرح تھا مرے بازوؤں کے حلقے میں ​

​

نہ دل کو چین تھا امجدؔ نہ بے قراری تھی ​

 

[alone_leo82]

یہ کیا کہ سب سے بیاں دل کی حالتیں کرنی​

احمد فراز​

​

یہ کیا کہ سب سے بیاں دل کی حالتیں کرنی ​

​

فرازؔ تجھ کو نہ آئیں محبتیں کرنی ​

​

یہ قرب کیا ہے کہ تو سامنے ہے اور ہمیں ​

​

شمار ابھی سے جدائی کی ساعتیں کرنی ​

​

کوئی خدا ہو کہ پتھر جسے بھی ہم چاہیں ​

​

تمام عمر اسی کی عبادتیں کرنی ​

​

سب اپنے اپنے قرینے سے منتظر اس کے ​

​

کسی کو شکر کسی کو شکایتیں کرنی ​

​

ہم اپنے دل سے ہی مجبور اور لوگوں کو ​

​

ذرا سی بات پہ برپا قیامتیں کرنی ​

​

ملیں جب ان سے تو مبہم سی گفتگو کرنا ​

​

پھر اپنے آپ سے سو سو وضاحتیں کرنی ​

​

یہ لوگ کیسے مگر دشمنی نباہتے ہیں ​

​

ہمیں تو راس نہ آئیں محبتیں کرنی ​

​

کبھی فرازؔ نئے موسموں میں رو دینا ​

​

کبھی تلاش پرانی رفاقتیں کرنی​

 

[alone_leo82]

اگرچہ زور ہواؤں نے ڈال رکھا ہے​

احمد فراز​

​

اگرچہ زور ہواؤں نے ڈال رکھا ہے ​

​

مگر چراغ نے لو کو سنبھال رکھا ہے ​

​

محبتوں میں تو ملنا ہے یا اجڑ جانا ​

​

مزاج عشق میں کب اعتدال رکھا ہے ​

​

ہوا میں نشہ ہی نشہ فضا میں رنگ ہی رنگ ​

​

یہ کس نے پیرہن اپنا اچھال رکھا ہے ​

​

بھلے دنوں کا بھروسا ہی کیا رہیں نہ رہیں ​

​

سو میں نے رشتۂ غم کو بحال رکھا ہے ​

​

ہم ایسے سادہ دلوں کو وہ دوست ہو کہ خدا ​

​

سبھی نے وعدۂ فردا پہ ٹال رکھا ہے ​

​

حساب لطف حریفاں کیا ہے جب تو کھلا ​

​

کہ دوستوں نے زیادہ خیال رکھا ہے ​

​

بھری بہار میں اک شاخ پر کھلا ہے گلاب ​

​

کہ جیسے تو نے ہتھیلی پہ گال رکھا ہے ​

​

فرازؔ عشق کی دنیا تو خوبصورت تھی ​

​

یہ کس نے فتنۂ ہجر و وصال رکھا ہے​

 

[alone_leo82]

نہ حریف جاں نہ شریک غم شب انتظار کوئی تو ہو​

احمد فراز​

​

نہ حریف جاں نہ شریک غم شب انتظار کوئی تو ہو ​

​

کسے بزم شوق میں لائیں ہم دل بے قرار کوئی تو ہو ​

​

کسے زندگی ہے عزیز اب کسے آرزوئے شب طرب ​

​

مگر اے نگار وفا طلب ترا اعتبار کوئی تو ہو ​

​

کہیں تار دامن گل ملے تو یہ مان لیں کہ چمن کھلے ​

​

کہ نشان فصل بہار کا سر شاخسار کوئی تو ہو ​

​

یہ اداس اداس سے بام و در یہ اجاڑ اجاڑ سی رہگزر ​

​

چلو ہم نہیں نہ سہی مگر سر کوئے یار کوئی تو ہو ​

​

یہ سکون جاں کی گھڑی ڈھلے تو چراغ دل ہی نہ بجھ چلے ​

​

وہ بلا سے ہو غم عشق یا غم روزگار کوئی تو ہو ​

​

سر مقتل شب آرزو رہے کچھ تو عشق کی آبرو ​

​

جو نہیں عدو تو فرازؔ تو کہ نصیب دار کوئی تو ہو ​