آج کے منتخب اشعار

[master007]

توڑا ہے کس نے نوکِ سناں پر سکوتِ صبر
لب بستگی کو تابِ سُخن کون دے گیا

محسن وہ کائناتِ غزل ہے اُسے بھی دیکھ
مجھ سے نہ پُوچھ ، مجھ کو یہ فن کون دے گیا

محسن نقوی

[master007]

مُبادا ہو کوئی ظالم تِرا گریباں گیر
مِرے لہُو کو تو دامن سے دھو، ہُوا سو ہُوا

مرزا محمد رفیع سودا

[master007]

خُدا کے واسطے آ، درگرز گُنہ سے مِرے !
نہ ہوگا پھر کبُھو اے تُندخُو، ہُوا سو ہُوا

مرزا محمد رفیع سودا

[master007]

ہجْر کی رات ہےاور اُن کے تصوّر کا چراغ
بزْم کی بزْم ہے، تنہائی کی تنہائی ہے

کون سے نام سے تعبیر کرُوں اِس رُت کو
پُھول مُرجھائے ہیں، زخموں پہ بہار آئی ہے

اقبال اشعر

[master007]

مزاجِ عشق بہت معتدل ہے اِن روزوں
جگر میں آگ دہکتی ہے آنکھ میں ہے تری

یہ ڈر ہے ہر بُنِ مُو، اب لہُو نہ دے نِکلے
کچھ ایسے زور پہ ہے آج کاوشِ جگری

اصغر گونڈوی

[master007]

وہ مستِ شاہدِ رعنا ، نِگاہِ سحِر طراز
وہ جامِ نِیم شَبی نرگسِ خُمار آلوُد

کچھ اِس ادا سے مِرا اُس نے مُدّعا پُوچھا
ڈھلک پڑا مِری آنکھوں سے گوہرِ مقصُود

اصغر گونڈوی

[master007]

تِری نِگاہ کے صدقے یہ حال کیا ہے مِرا
کمالِ ہوش کہوں یا کمالِ بے خبری

کہیں ہے عشق، کہیں ہے کشِش، کہیں حرکت
بھرا ہے خامۂ فِطرت میں رنگِ فتنہ گری

اصغر گونڈوی

[master007]

دوستوں کے دیے ہوئے طعنے
بُھول جانا تو اپنی عادت ہے

احمد راہی

[master007]

جبینِ تمنّا کی تابانیاں ہیں
کہ دل میں ابھی تک پُرافشانیاں ہیں

یونہی تیرے گیسو ہیں رُسوا، کہ مجھ کو
پریشانیاں تھیں، پریشانیاں ہیں

سیّدعابدعلی عابد

[master007]

سُنا یہ ہے کہ سُبک ہو چلی ہے قیمت حرف
سو ہم بھی اب قد و قامت میں گھٹ کے دیکھتے ہیں

افتخار عارف