آج کے منتخب اشعار

[master007]

تمھاری جیت تو جب تھی دلوں میں گھر کرتے
زباں سے ہار نہ مانیں گے ہارنے والے

یاس یگانہ چنگیزی

[master007]

تمہارے دم سے سلامت ہیں ولولے دل کے
سزا کے بعد خطا پر اُبھارنے والے

یاس یگانہ چنگیزی

[master007]

نہ جانے کیا ہو، یہ دیوانہ جس جگہ بیٹھے
خودی کے نشّے میں کچھ اَن کہی نہ کہہ بیٹھے

اُمیدوار ہیں احسانِ دوست کے ہم بھی !
وفا کی داد نہ دے، بے وفا ہی کہہ بیٹھے

یاس یگانہ چنگیزی

[yarker]

ہم سادہ ہی ایسے تھے، کی یوں ہی پذیرائی
جس بار خزاں آئی، سمجھے کہ بہار آئی

اُمیدِ تلطّف میں رنجیدہ رہے دونوں
تُو اور تِری محفل، میں اور مِری تنہائی

فیض احمد فیض

kiya baat hai Faiz saheb kii

[Sun flower]

شاندار اور خوبصورت اشعار کا مجموعہ
ذبردست

[Haris1234]

تحسین ہے لب پر تِرے دشنام نہیں ہے
الزامِ تمنّا کوئی الزام نہیں ہے

خُوبی تِری بے قید ہے خواہش مِری بیحد
اِن دونوں کے آغاز کا انجام نہیں ہے

حسرت موہانی

Wah boht behtareen Ashar

[master007]

اب مُلاقات میں وہ گرمئی جذبات کہاں
اب تو رکھنے وہ محبّت کا بھرم آتے ہیں

ساغرصدیقی

[master007]

میں بھی جنّت سے نکالا ہُوا اک بُت ہی تو ہُوں
ذوقِ تخلیق تجھے کیسے ستم آتے ہیں

ساغرصدیقی

[master007]

سکوتِ شام مِٹاؤ بہت اندھیرا ہے
سخن کی شمْع جلاؤ بہت اندھیرا ہے

دیارِ غم میں دلِ بے قرار چُھوٹ گیا
سنبھل کے ڈھونڈنے جاؤ بہت اندھیرا ہے

فراق گورکھپوری

[master007]

گزشتہ عہْد کی یادوں کو پھر، کرو تازہ
بُجھے چراغ جلاؤ بہت اندھیرا ہے

فراق گورکھپوری